"კონსერვატიული პარტიის" ლიდერის შეფასებით, "ვარდების რევოლუციისგან" ხალხმა დაგებული გზები და დაკარგული ტერიტორიები მიიღო.
"ხალხმა მიიღო შეღებილი ფასადები, დაგებული გზები და დაკარგული ტერიტორიები. არასამართლიანი სასამარლო, ცენზურა დადებული მასმედია, ადამიანების უფლებების უხეში დარღვევა.. ასე რომ, თუკი სასწორზე დავდებთ იმას, რა გაკეთდა და რა გაფუჭდა, ეს უკანასკნელი საგრძნობლად გადაწონის", - განუცხადა ძიძიგურმა "ჯი-ეიჩ-ენს" "ვარდების რევოლუციის" შედეგებზე კომენტირებისას.
მისივე აზრით, "ამ რევოლუციას, როგორც სიკეთის მომტანს საქართველოს მოსახლეობა აღარ განიხილავს".
შეგახსენებთ, რომ ხვალ, 23 ნოემბერს, "ვარდების რევოლუციიდან" 6 წელი სრულდება.