აშშ-ის სახელმწიფო მდივანმა მარკო რუბიომ არაბული ქვეყნების საგარეო საქმეთა მინისტრებთან სატელეფონო საუბრისას განაცხადა, რომ ომი „სულ მცირე კიდევ რამდენიმე კვირას“ გაგრძელდება. ამის შესახებ გამოცემა Axios წყაროებზე დაყრდნობით იუწყება.
გამოცემის ერთ-ერთმა წყარომ აღნიშნა, რომ ამერიკის შეიარაღებული ძალები ამჟამად ირანის რაკეტების გამშვებ სისტემებზე, საწყობებსა და ქარხნებზე დარტყმებზე არიან ორიენტირებულნი.
წყაროების ცნობით, არაბ პარტნიორებთან საუბრისას სახელმწიფო მდივანმა უარყო, რომ აშშ-ის ოპერაცია რეჟიმის შეცვლას ისახავს მიზნად. ამავდროულად, რუბიომ ნათლად მიანიშნა, რომ ვაშინგტონი ამჟამინდელი მთავრობით კმაყოფილი არ არის.
მარკო რუბიომ ასევე აღნიშნა, რომ ამჟამად აშშ-სა და ირანს შორის დიალოგი არ მიმდინარეობს.
