საქართველოში ვითარება კიდევ უფრო უარესდება, - ამის შესახებ განცხადებას შვედეთის საგარეო საქმეთა სამინისტრო ავრცელებს.
"საქართველოში ვითარება კიდევ უფრო უარესდება. მმართველი პარტიის მიერ მიღებული ახალი კანონმდებლობა ფაქტობრივად დამოუკიდებელი ორგანიზაციების ყველა სახის უცხოურ დაფინანსებას ზღუდავს, სამოქალაქო აქტივობების კრიმინალიზაციას ახდენს და ხელს უშლის პოლიტიკურ საქმიანობას. ეს შეუთავსებელია დემოკრატიულ პრინციპებთან და საქართველოს მიერ ნაკისრ ადამიანის უფლებების საერთაშორისო ვალდებულებებთან.
მოვუწოდებთ საქართველოს ხელისუფლებას, შეცვალოს თავისი ავტორიტარული კურსი. შვედეთი კვლავ ქართველი ხალხის დიდი ხნის მეგობრად და საიმედო პარტნიორად რჩება", - წერს უწყება.
