ახლა ვართ მესამე ეტაპზე, რომ შევიტანოთ კიდევ ერთი საჩივარი, ისევ BBC-ის უნდა მივმართოთ, სადაც კიდევ ერთი დონით მაღლა ხდება განხილვა, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
მისივე თქმით, მესამე ეტაპზე განხილვაში ჩაერთვება BBC-ის ბორდი და გარე ექსპერტები, რომლებიც ამ საკითხს განიხილავენ.
„აღმოჩნდა, რომ დიდი ბრიტანეთის სამართლებრივი სისტემა არის კოშმარი. არ ვიცი, რა პირით გვესაუბრებიან ხოლმე ჩვენ რაიმე მართლმსაჯულების თუ სამართლებრივ პროცედურებზე. პროცედურულად რომ ავხსნა, ჯერ ჩვენ უნდა მიგვემართა თავად BBC-ისთვის. პროცედურის მიხედვით, ჯერ დასხდნენ იგივე ჟურნალისტები, ვინც ეს ცილისწამება გაავრცელა, განიხილეს ჩვენი საჩივარი და თქვეს, რომ არა, ჩვენ ვართ მართლებიო. ეს საერთოდ აბსურდია. ჟურნალისტები, რომლებმაც ტყუილი გამოიგონეს, განიხილეს ჩვენი საკითხი და გვითხრეს უარი. ამის შემდეგ შევაბრუნეთ საჩივარი და სამწუხაროდ იმ მართლაც მსხვერპლის საზიანო კანონმდებლობით, რომელიც ბრიტანეთში არსებობს და აბსოლუტურად არღვევს მაყურებლის თუ ადამიანის უფლებას. შევიტანეთ ხელახალი საჩივარი. ამის შემდეგ აღმოჩნდა, რომ შემდეგი ინსტანცია გახლავთ იმ ხალხის რედაქცია, უფროსობა ასე ვთქვათ, სარედაქციო ჯგუფი, რომელმაც დაავალა ეს სიუჟეტი, ჩაიბარა და გაუშვა ეს სიუჟეტი.ამ რედაქციამ განიხილა და მათაც, ჩვენდა გასაკვირად, თქვეს, რომ არა, ჩვენ ვიყავით მართლებიო და უარი შემოვიდა. ახლა ვართ მესამე ეტაპზე, რომ შევიტანოთ კიდევ ერთი საჩივარი. ისევ BBC-ის უნდა მივმართოთ, სადაც ახლა კიდევ ერთი დონით მაღლა ხდება განხილვა, მაგრამ ასევე BBC-ში, რომელმაც ეს სიუჟეტი დაუკვეთა, ჩაიბარა და გაუშვა. ასე რომ, ჩვენ ახლა ვამზადებთ, უკვე გამოდის მესამე საჩივარს, რომელიც შებრუნდება ისევ BBC-ში ვნახოთ, რა გადაწყვეტილება იქნება, შემდეგ უკვე სხვა ეტაპები აქვს. როგორც ირკვევა ახლა არის BBC-ის ბორდი, სადაც უნდა იყვნენ გარე ექსპერტები ჩართული, რომლებიც ამ საკითხს განიხილავენ. პასუხი სავარაუდოდ ერთი კვირის წინ მივიღეთ ალბათ. თუ ასე ძალიან გაინტერესებთ, რამდენად სამარცხვინოდ იქცევა BBC კი ბატონო. ჩვენ BBC-ში გასაჩივრებას ფაქტობრივად ვუყურებთ როგორც ფორმალობას. ფაქტია, ვინც დააშავა არ იტყვის, რომ მე ვარ დამნაშავეო“, – განაცხადა პაპუაშვილმა.
