პატრიარქის დამკრძალავი კომისიის თავმჯდომარე ირაკლი კობახიძე უნგრეთიდან აკოორდინირებს დაკრძალვის პროცედურებს? 2 დღე ვერ მოიცადა კაცმა, საქართველოშიც კი არ გაჩერდა, ორბანთან გაიქცა, იქნებ ამერიკელებს დამალაპარაკოსო,- ამის შესახებ განცხადება „კოალიცია ცვლილებისთვის“ ერთ-ერთმა ლიდერმა ნიკა გვარამიამ სოციალურ ქსელში გაავრცელა და უნგრეთში საქართველოს პრემიერ-მინისტრის ვიზიტს გამოეხმაურა.
"პატრიარქის დამკრძალავი კომისიის თავმჯდომარე ირაკლი კობახიძე უნგრეთიდან აკოორდინირებს დაკრძალვის პროცედურებს? 2 დღე ვერ მოიცადა კაცმა, საქართველოშიც კი არ გაჩერდა, ორბანთან გაიქცა, იქნებ ამერიკელებს დამალაპარაკოსო.
მისი პირადი რელიგიური მოსაზრებები საერთოდ არ მაინტერესებს - ქოცი კი არ ვარ, ხალხი რელიგიური ნიშნით დავყო და ვინ რამდენი ფოტო გადაიღო და რამდენი კურცხალი გადმოყარა, ის ვითვალო და რაიმე მნიშვნელობა მივანიჭო. ამით ქოცები სპეკულირებენ, როგორც ზოგადად ჩვევიათ ტრაგედიებით მოვაჭრეებს.
აქ ამბავი ის არის, რომ საკუთარ საქმეს არ ასრულებს ეს კაცი, რაც, ერთის მხრივ, სახელმწიფოს მნიშვნელოვანი ამოცანის შეუსრულებლობა, უპასუხისმგებლობა და არასერიოზულობაა, მეორეს მხრივ კი, გარდაცვლილის და მისი ჭირისუფლის უპატივცემლობა.
სახელმწიფოსთვის მნიშვნელოვანი საკითხი მაინც ყოფილიყო. არა - პარტიულ შეკრებაზე გაიქცა, მისი და ივანიშვილის პირადი საკითხების "დასალაგებლად". სამარცხვინო!", - წერს გვარამია.
