მაინტრესებს, რისი იმედი გაქვთ, "ქართული ოცნება"? რა კანონი უნდს მიიღოთ ცხენებო, რომ გამოსავალი ვერ ვიპოვოთ მათ, ვინც 90-იანებს გადავურჩით? - ამის შესახებ პარტია "ფედერალისტების" ლიდერი თამარ ჩერგოლეიშვილი სოციალურ ქსელში წერს.
"90-იანები მაქვს გამოვლილი.
პურის რიგში თავი რომ არ დამემცირებინა, პურს არ ვჭამდი იქამდე, სანამ მოსწავლე არ ვიპოვე რომლის დედაც პურს აცხობდა და ვცვლიდი ცოდნას ულამაზეს, ფუშფუშა პურში
რო "გავთხოვდი" და განაწყენებული მშობლებისთვის ტრანსპორტის ფულის თხოვნა დამამცირებლად მიმაჩნდა, უხელფასო სამსახურში დავდიოდი ფეხით, და არ ვიძახდი რომ ფეხით დავდივარ (ვინმეს რო არ შევბრალებოდი) - რომ რაღაც დროს ხელფასიანიც მეშოვა
მამაჩემს ოჯახის სარჩენი ფული რომ
მოპარეს და დედაჩემი დაბნეულ/შეშინებული ვნახე, სახლიდან გავედი და ისეთი სამსახური ვნახე - 7 სულიან ოჯახს, მაშინდელი სტანდარტით, ფუფუნებისთვის ყოფნიდა.
ბავშვის გაჩენას დიდად არ ვაპირებდი, არ მინდოდა 90-იანების გაჭირვებაში და სიბნელეში ბავშვის ზრდა, მაგრამ ეგ დიდებული სუპრიზი თავში რომ დამეცა, მთელი ორსულობა იმდენი დოკუმენტი ვთარგმნე - ბავშვისთვის ყველა საჭირო ნივთი პარიზში და ამერიკაში ვიყიდე, გაჭირვების პროტესტის ნიშნად და მერე იმდენი ვქენი, 3 წლიდან საფრანგეთში ვზრდიდი - ოღონდ ქართულად აქაურ თანატოლ ქართველებზე უკეთ წერდა, 15 წლის ასაკში ქართველი ბლოგერი იყო.
უფრო მეტი .... ბიძინა, მიშა, კეზერა, ხაზარაძე .... ყველა ხარბ ავტოკრატს და ოლიგარქს, ყველას, ვინც პოლიტიკაში ფულს ხარჯავს, ვათრევ, მრავალი წელია. ვათრევ პერსონალურად, უხეშად, უწმაწურად.
ესეც ჩემი პროტესტია - რაღაც დროს, ყველა ფულით, ტელეეთერით და სხვადასხვა სახის შანტაჟით ცდილობდა ჩემი თავისუფლების შეზღუდვას და შანტაჟს "დავით" ვპასუხობ - ეგეთი პრინციპი მაქვს.... ხოდა აი ისევ ვდგავარ, ისევ ვარსებობ და ისევ ნერვებს ვუშლი ყველას, ვისაც მინდა
და მართლა მაინტრესებს, რისი იმედი გაქვთ? ქართული ოცნება / Georgian Dream - აი რა კანონი უნდს მიიღოთ ცხენებო, რომ გამოსავალი ვერ ვიპოვოთ მათ, ვინც 90-იანებს გადავურჩით?" - წერს თამარ ჩერგოლეიშვილი.
