იმედია ამერიკის საელჩო პაპუაშვილის ბოდვების კომუნიკაციას ახდენს ტრამპის ადმინისტრაციასთან, - ამის შესახებ პარტია "ფედერალისტების" ლიდერი თამარ ჩერგოლეიშვილი სოციალურ ქსელში წერს.
"იმედია ამერიკის საელჩო პაპუაშვილის ბოდვების კომუნიკაციას ახდენს ტრამპის ადმინისტრაციასთან და აგებინებს, რომ ვიღაც პრორუსი, პროირანელი და პროჩინელი ოლიგარქის ზღვის გოჭი, ევროკავშირს იმაზე ლანძღავს რომ ტრამპს ვერ დაუპირისპირდა როცა ის მადუროს "სუვერენიტეტს არღვევდა" და ვერ აღკვეთა "საერთაშორისო წესრიგის დარღვევა"", - წერს ჩერგოლეიშვილი და აზიარებს შალვა პაპუაშვილის კომენტარს:
"დაბოლოს, ვენესუელაში ჩატარებულმა რამდენიმეწუთიანმა ოპერაციამ ისიც დაადასტურა, რომ ევროკავშირი, როგორც საერთაშორისო წესრიგის გარანტი და მსოფლიო გეოპოლიტიკური მოთამაშე, აღარ არსებობს და, როგორც ჩანს, ის ასეთად ვეღარასდროს იქცევა. მეტიც, აღმოჩნდა, რომ ბრიუსელი, როცა დასჭირდება, მსოფლიო წესრიგის რღვევით სარგებლის მიღებას და მის სათავისოდ გამოყენებასაც არ მოერიდება. ბრიუსელის მხრიდან საქართველოს მიმართ საერთაშორისო სამართლის დარღვევით მოქმედებაც ამის დასტურია". [ციტატა შალვა პაპუაშვილის განცხადებიდან]
