პარტია "ფედერალისტების" ლიდერმა თამარ ჩერგოლეიშვილმა "საფარის" აღმასრულწებელ დირექტორს ბაია პატარაიას სასამართლო დავა მოუგო. ამის შესახებ ფედერალისტების ლიდერი სოციალურ ქსელში წერს.
"მოვიგეთ ფეოლა! 1 ლარი დაეკისრა მოქალაქე ბაბუცას. "გიგაზე ამბობენ რომ ფული აიღო ბიძინასგან" ნაწილი არ დამიკმაყოფილა მხოლოდ, რადგან სხვებს ეყრდნობოდა და მაგას გავასაჩივრებ - ბოლომდე! [პატარაიამ] უნდა უარყოს, რომ გიორგი რამიშვილს ვარეკეტებდი (სილქნეტი). უნდა უარყოს, რომ სახელმწიფო ქონებით ბოროტად ვსარგებლობდი (ვერტმფრენი). უნდა უარყოს, რომ სამინისტროებს ვაიძულებდი დიდი რაოდენობით ტაბულას შესყიდვას. უნდა უარყოს, რომ ბლოგერებს მიშას კრიტიკის გამო ვყრიდი," - წერს ჩერგოლეიშვილი.
თბილისის საქალაქო სასამართლომ ნაწილობრივ დააკმაყოფილა "ფედერალისტების" ლიდერის სარჩელი საფარის აღმასრულებელი დირექტორის წინააღმდეგ – თამარ ჩერგოლეიშვილი ბაია პატარაიას ცილისწამების მუხლით უჩიოდა.
სასამართლოს 10 დეკემბრის გადაწყვეტილებით, ბაია პატარაიას ყველა ბრალდების უარყოფა დაევალა გარდა ერთისა, რომლის მიხედვითაც, "ბევრი ირწმუნება, რომ ბოკერიამ ბიძინასგან ფული აიღო". ჩერგოლეიშვილის ცნობით, აღნიშნულ გადაწყვეტილებას გაასაჩივრებს.
მოსამართლემ პატარაიას ჩერგოლეიშვილისთვის სიმბოლური 1 ლარის გადახდა დააკისრა
ბაია პატარაიამ თამარ ჩერგოლეიშვილთან დაკავშირებით Facebook-პოსტი 10 იანვარს დაწერა. ის ამტკიცებდა, რომ "ჩერგოლეიშვილი იყო სააკაშვილის კორუფციული ელიტის ერთ-ერთი ყველაზე თვალსაჩინო სახე.
"ახალგაზრდებს შეიძლება, არც ახსოვთ, რა შეზრდილი იყო მაშინდელი “ტაბულა” ნაცებთან. მიშას კრიტიკის გამო ბლოგერებს ყრიდნენ. იძულების წესით სილქნეტს შეტენილი ჰქონდა მისი ჟურნალის დარიგება-გაყიდვა; მომხმარებელი, რომლესაც არ უნდოდა ტაბულა და უნდოდა სილქტვ, ვერ აცალკევებდა ამ ორს; რაც მაშინვე გაუქმდა, როცა მიშამ არჩევნები წააგო. ასევე, სამინისტროები ვალდებული იყვნენ ეყიდათ ძალიან დიდი რაოდენობის ტაბულას ჟურნალი, მიუხედავად იმისა, რომ მათ თანამშრომლებს არ ჰქონდათ ინტერესი. აი, ასე ასაღებდა და უკანალში ტენიდა ყველას ამ თავის ჟურნალს უშიშროების საბჭოს მდივნის ცოლი!
კიდევ უარესი, კეზერას ანუ თავდაცვის სამინისტროს ვერტალიოტებით დააფრენდა საკუთარ დაქალებს და სტუმრებს და იმდენად უგონოა, თავის პირით ტრაბახობდა და ყვებოდა ამას ჩემთანაც და ძალიან ბევრთანაც მერე, როცა ჯერ ნაჩხუბარი არ იყო კეზერასთან.
ასევე ბევრი ირწმუნებს, რომ ბიძინასგან აღებული ფულის გამო დაშალა ბოკერიამ ნაციონალური მოძრაობა პირველად. ოღონდ, იდეურ განხეთქილებად გაასაღა ეს თავისსავე პარტიაში, საიდანაც ერთი ადამიანიც კი აღარ დარჩა წამლად. იმის გათვალისწინებით, თუ როგორ იქცევა ეს ოჯახი დღემდე და როგორ ეხმარებიან ირიბად ბიძინას, მე ეგ ამბავიც სარწმუნო მგონია. ეს თუ ასე არ არის, მაშინ მისივე საყვარელ ტერმინს გამოვიყენებ და უბრალოდ “სასარგებლო იდიოტია”.
მეორეჯერ კი იმიტომ დაეშალათ პარტია, რომ საშინელი ავტორიტარები არიან ორივე და არავისთან შეუძლიათ ძალაუფლების გაყოფა. ჩერგო საერთოდ სრული აუტანლობა აქვს ალტერნატიული აზრის. მოკლედ, ჩერგო ვერავის ჩარეცხავს საკუთარი თავის გარდა!
პ.ს. ვიცი, რომ ასეთი პოსტებიც კი უხარია, იმდენად უნდა გააქტუალურება, მაგრამ ერთხელ უნდა შემეხსენებინა ყველასთვის, რომ არ დაგვვიწყებია მისი კორუფციული წარსული". - წერდა პატარაია.
