ეს ძალიან ცუდი გადაწყვეტილება იქნება, ჩვენი ქვეყნისთვისაც, ჩვემი მოქალაქეებისთვისაც, მაგრამ, პირველ რიგში, თვითონ ევროკავშირისთვის, - ამის შესახებ "ქართული ოცნების" წევრმა თეა წულუკიანმა უვიზო მიმოსვლის შესაძლო შეჩერებასთან დაკავშირებით იმედი LIVE-ის ეთერში განაცხადა.
"მე ერთხელაც ვთქვი, შეიძლება ვცდები კიდეც, მაგრამ ასე ვფიქრობ, რომ ის მხარე, რომელიც ცდილობს უვიზო რეჟიმის გაუქმებას ჩვენი მოქალაქეებისთვის და ეს ხაზგასმული უნდა იყოს, ჩვენი მოქალაქეებისთვის და არა ხელისუფლების წარმომადგენლებისთვის ან რომელიმე მაღალი ჩინოსნისთვის, არამედ ჩვენი, პირველ რიგში, სტუდენტებისთვის, ახალგაზრდებისთვის, სხვადასხვა პროფესიონალისთვის, ვინც უვიზო რეჟიმით სარგებლობს. სწორედ ამ ადამიანებისთვის და არა რომელიღაცა, ასე ვთქვათ, მინისტრისთვის ან დეპუტატისთვის.
ჩვენი ქვეყნის საზოგადოების დიდი უმრავლესობისთვის ცდილობენ უვიზო რეჟიმის წართმევას და ეს მხარე, ვინც ამას ცდილობს, ადრეც ვთქვი, რომ მგონია, რომ არ ხუმრობს და არის სერიოზული. იყო, რა თქმა უნდა, ვარაუდები, რომ ამბობენ, მაგრამ არ გულისხმობენ, ამბობენ მაგრამ…
საბოლოოდ ჩამოვყალიბდეთ ალბათ უნდა, რომ ისინი სერიოზულად გულისხმობენ ამის გაკეთებას. ჩვენ სხვა რა დაგვრჩენია, თუ არა ვიყოთ დარწმუნების რეჟიმში, რომ ეს ძალიან ცუდი გადაწყვეტილება იქნება, რა თქმა უნდა, ჩვენი ქვეყნისთვისაც, ჩვემი მოქალაქეებისთვისაც, მაგრამ, პირველ რიგში, მე ვიტყოდი თვითონ ევროკავშირისთვის." - განაცხადა თეა წულუკიანმა.
