საპარლამენტო უმრვალესობის მტკიცებით, სახელმწიფოს მიერ საზღვარგარეთ ქართულ ეკლესიებისა დაცვასა და სტატუსის შესახებ ინიციატივა საპატრირქოდან მომდინარეობდა, თუმცა მისი ფორმულირება არასაკმარისად მიიჩნიეს. ამის შესახებ "ჯი-ეიჩ-ენს" უმრვალესობის ერთ-ერთმა ლიდერმა, იურიდიული კომიტეტის თავმჯდომარემ პავლე კუბლაშვილმა განუცხადა, რომელიც რელიგიური გაერთიანებებისთვის სტატუსის მინიჭების შესახებ საპატრიარქოსთან კონსულტაციებში მონაწილებდა.
"სახელმწიფოს მიერ დამატებითი ვადლებულების აღების ინიციატივა საპატრიარქოდან მომდინარებდა, თუმცა ფორმულირება, რომელიც ჩვენ წარვუდგინეთ არასაკამარისად მიიჩნიეს. შესაბამისად, აღნიშნული მუხლები კანონში აღარ გაიწერა", - აცხადებს კუბლაშვილი.
როგორც ცნობილია, "სამოქალაქო კოდექსში" შესატან ცვლილებების ერთ-ერთმა ავტორმა პროექტის მესამე მოსმენით გატანამდე განაცხადა, რომ საპატრიარქოსთან მიღწეული შეთანხმების საფუძველზე სახელმწიფო იღებს ვალდებულებას აწარმოოს მოლაპარაკებები შესაბამის სახელმწიფოსთან მათ ტერიტორიაზე არსებული ყველა ქართული მართმადიდებლური ტაძრის, მონასტრის, ნანგრევის, სხვა საეკლესიო ნაგებობის, ასევე სხვა საეკლესიო ნივთების დაცვის, მოვალა-პატრონობისა და საკუთრების თაობაზე. აგრეთვე შესაბამის სახელმწიფოსთან საქართველოს მართმადიდებლურ ეკლესიის სტატუსთან დაკავშირებით.
ამასთან, საქართველოს პარლამენტი თავის თავზე იღებს ვალდებულებას, რომ უზრუნველყოფს ცვლილებების მომზადებას შესაბამის კანონში, რომლითაც განისაზღვრება ოკუპირებულ ტერიტორიაზე ქართული მართმადიდებლური ტაძრების დაცვის დამატებითი ღონისძიებები.
თუმცა, მოგვიანებით, რიგგარეშე სხდომაზე კუბლაშვილმა განაცხადება გააკეთა და აღნიშნა, რომ აღნიშნულ მუხლებზე საქართველოს საპატრიარქოსთან შეთანხმება ვერ მომხერხდა, რის გამოც კანონში ცვლილებები აღნიშნული საკითხის გარეშე დაამტკიცეს.
საპატრიარქოს მიერ გავრცელებული განცხადების თანახმად, კი პარლამენტის მიერ მიღებული კანონი უარყოფით შედეგებს ახლო მომავალშივე გამოიღებს, რაზეც პასუხისმგებლობა ხელისუფლებას ეკისრება.
