პოლონეთის საგარეო საქმეთა მინისტრმა რადოსლავ სიკორსკიმ განაცხადა, რომ ევროპა უნდა ჩაერთოს აშშ-ის ხელმძღვანელობით უკრაინასა და რუსეთს შორის მოლაპარაკებების პროცესში. ამის შესახებ მან Bloomberg-თან ინტერვიუში განაცხადა.
პოლონეთის საგარეო საქმეთა მინისტრმა აღშფოთება გამოთქვა იმის გამო, რომ ევროპელები არ არიან ჩართულნი მოლაპარაკებების პროცესში, რომელიც წელს სამმხრივ ფორმატში გააქტიურდა.
სიკორსკის თქმით, ბოლოს და ბოლოს, სწორედ ევროპა ფარავს უკრაინის თავდაცვის ხარჯების უმეტეს ნაწილს.
„ცოტა უცნაურობა ხდება. ჩვენ ვიხდით ომის საფასურს და ყოველთვის სრული ინფორმაციაც კი არ გვაქვს. ჩვენ რეალურ ფულს ვხარჯავთ, მაშინ როდესაც აშშ ამ ომიდან რეალურად შოულობს ფულს“, - განაცხადა სიკორსკიმ და იგულისმა PURL-ის ინიციატივა, რომლის ფარგლებშიც ნატო-ს ქვეყნები აშშ-სგან უკრაინისთვის იარაღს ყიდულობენ.
„ეს უფლებას გვაძლევს, გავლენა მოვახდინოთ შეთანხმებებსა და შედეგებზე“, - დასძინა მან.
სიკორსკის თქმით, ევროკავშირმა უკრაინის თავდაცვაზე კიდევ ორი წლის განმავლობაში 200 მილიარდ ევროზე მეტი დახარჯა და შემდგომში ახალი სესხის ფარგლებში კიდევ 90 მილიარდს გამოყოფს.
