25 ნოემბერს 16:00 საათზე, ასოციაცია "ქალი და ბიზნესი" საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსა და NOღLAG/ PღI -ის ხელშეწყობით სამხატვრო გალერეა "ჰობის" დარბაზში ატარებს პატიმარ ქალთა ნამუშევრების (თექა, გობელენი) გამოფენა-გაყიდვას.
გამოფენის სახელწოდებაა "შემოქმედება ღირსებისათვის". რეალიზაციით მიღებული თანხები მოხმარდება პატიმართა მატერიალური მდგომარეობის გაუმჯობესებას.
ასოციაცია "ქალი და ბიზნესი" სასჯელაღსრულების დეპარტამენტთან თანამშრომლობითა და საერთაშორისოPორგანიზაციის PRI/NORLAG ფინანსური მხარდაჭერით ქალთა და არასრულწლოვანთა საერთო რეჟიმის საპყრობილის #5 დაწესებულებაში ახორციელებს პროექტს: "მსჯავრდადებულ ქალთა რეაბილიტაციისა და რესოციალიზაციის ხელშეწყობა პროფესიული სწავლების მეშვეობით".
პროექტის ფარგლებში ასოციაციამ დააფუძნა თანამედროვე ტექნიკით აღჭურვილი ბიზნესისა და პროფესიული სწავლების ცენტრი, რომელიც იქცა მსჯავრდებულ ქალთა სასწავლო ბაზად. ცენტრის ძირითადი მიზანია მსჯავრდადებულ ქალთა საზოგადოებაში ინტეგრაციის, პროფესიული მომზადებისა და გადამზადების, დასაქმებისა და თვითდასაქმების ხელშეწყობა,გათვითცნობიერებულობის გაზრდა საბაზრო ეკონომიკის საფუძვლებსა და სამეწარმეო კანონმდებლობაში.
სასწავლო პროგრამებში მონაწილეობა მიიღო 310 მსჯავრდებულმა ქალმა. პროექტის განხორციელების შედეგად მსჯავრდებულმა ქალებმა შეიძინეს პროფესიული უნარ-ჩვევები ისეთი პროფესიებში, რომლებიც გაზრდილი მოთხოვნით სარგებლობს შრომის ბაზარზე და გათავისუფლების შემდგომ მათ მნიშვნელოვნად შეუმსუბუქდებათ დასაქმებისა და თვითდასაქმების პრობლემები, რაც ხელს შეუწყობს დანაშაულის პრევენციას და რესოციალიზაციას.
