ეკონომიკის მინისტრმა ქვეყნის ეკონომიკური მდგომარეობის გაუმჯობესების სამ ნაწილად დაყოფილი გეგმა წარმოადგინა. მინისტრმა პარლამენტში დეპუტატებთან შეხვედრისას განაცხადა, რომ გეგმა არის სამი სახის: მოკლევადიანი, საშუალოვადიანი და გრძელვადიანი. მინისტრის თქმით, მოკლევადიან გეგმა მოიცავს 2015 წლის მარტი-ივლისის პერსპექტივას, საშუალოვადიანი გეგმა ეს არის -2015 წლის ბოლომდე, ხოლო გრძელვადიანი გეგმა მოიცავს 2015-2017 წლებს.
კვირიკაშვილის განმარტებით, მოკლევადიანი გეგმა გულისხმობს პრივატიზაციის პროცესის დაჩქარებას და ასევე ტურიზმის მნიშვნელოვან წახალისებას.
”გეგმა ასევე მოიცავს დამატებითი ინვესტიციების მოზიდვას მოკლევადიან პერსპექტივაში, რაც ბიზნესფორუმებითა და შეხვედრებით ბიზნესმენებთან გაძლიერებულ შეხვედრებს გულისხმობს. ეს არის ასევე ადმინისტრაციული ხარჯების შემცირება, რომელსაც ყოველთვის აქვს კარგი ეფექტი. ასევე მსხვილი ინფრასტრუქტურული პროექტების განხორციელება”- აღნიშნა მინისტრმა. კვირიკაშვილი გეგმის ნაწილად ბიზნესისათვის მასტიმულირებელი კანონპროექტების წარდგენასაც ასახელებს.
”რაც შეეხება საშუალოვადიან გეგმავს, ჩვენს გვაქვს ჩამონათვალი პროექტების მიხედვით ინვესტიციების მოზიდვის კუთხით. ის გულისხმობს ასევე მსხვილი პროექტების განხორციელებას და ჩვენ გვაქვს მსხვილი პორთფელი ასეთი პროექტების. ექსპორტის მხარდამჭერი ღონისძიებები: უნდა ითქვას, რომ ექსპორტს ქონდა სათანადო მხარდაჭერა ”აწარმოე საქართველოში”-ს ფარგლებში მაგრამ ვფიქრობთ, რომ ეს არ არის საკმარისი. და სპეციალური ინსტიტუტი, რომელიც ჩვენ დაავანონსეთ მუშაობას 2 თვეში” განაცხადა ეკონომიკის მინისტრმა.
კვირიკაშვილის განმარტებით, მთავრობამ უკვე დაასრულა მოლაპარაკებები გერმანულ ”ჰერმესთან” და იტალიურ ”საჩესთან” და ამ ორი ინსტიტუტის დახმარებით მოხდება უკვე დაანონსებული ექსპორტის წახალისებაზე ორიენტირებული სპეციალური ინსტიტუტის შექმნა.
