უკრაინაში თუ ომი არ დასრულდება, შეერთებული შტატები მზადაა რუსეთის წინააღმდეგ ზომები მიიღოს, - ამის შესახებ აშშ-ის თავდაცვის მდივანმა პიტ ჰეგსეთმა ნატო-ელ კოლეგებთან შეხვედრაზე განაცხადა.
„ეს ომი თუ არ დასრულდება, თუ მოკლევადიან პერსპექტივაში მშვიდობისკენ მიმავალი გზა არ გამოჩნდება, შეერთებული შტატები და მისი მოკავშირეები გადადგამენ ნაბიჯებს, რათა რუსეთმა განგრძობადი აგრესიისთვის საფასური გადაიხადოს“, - თქვა მან.
მისი თქმით, პენტაგონი მზადაა გადადგას ის ნაბიჯები, რომელთა განხორციელებაც მხოლოდ შეერთებულ შტატებს შეუძლია. ჰეგსეთმა კიდევ ერთხელ გაიმეორა, რომ მოგვარების პრინციპი იქნება „მშვიდობა ძალის მეშვეობით“.
ჰეგსეთმა ასევე მოუწოდა ნატო-ს ქვეყნებს, გააძლიერონ უკრაინის მხარდაჭერა და მთავარ მექანიზმად [უკრაინისთვის პრიორიტეტული საჭიროებების სია] PURL-ის პროგრამა დაასახელა. მისი თქმით, აგვისტოდან კიევისთვის ამ გზით 2 მილიარდი დოლარი გამოეყო.
