"მაესტროს" მართვის კომპანიის დამფუძნებლის, ეროსი კიწმარიშვილის განცხადებით, მას კანონიერი უფლება აქვს მაუწყებლობის და უახლოეს მომავალში არხის რეალური მაუწყებლობა აღდგება.
"ახლა ჩვენ გვაქვს სასამართლო დავა და აღარანაირი შეთანხმება აღარ მოხდება ჩვენს შორს. რაც შეეხება ეთერს. სრულფასოვანი მაუწყებლობა არ ვიცი როდის აღდგება, რადგან არხის დამფუძნებლებმა ყველაფერი გააკეთეს, რომ არხის მაუწყებლობა ჩაეშალათ. ახლა არალეგალური მაუწყებლობა, რომელსაც ახორციელებს მაესტროს დამფუძნებელთა ჯგუფი. რეალური მაუწყებლობა აღდგება უახლოეს მომავალში, როგორც კი ტექნიკური პრობლემები გამოსწორდება. მე მაქვს კანონიერი უფლება მაუწყებლობის", - განაცხადა კიწმარიშვილმა "ჯი-ეიჩ-ენთან" საუბრისას.
მისი თქმით, მას დაუზიანეს მაუწყებლობის საშუალებები.
"მართვის კომპანიას დაუზიანეს ყველაფერი რისი დაზიანებაც შეიძლებოდა. მე ვარ დაკავებული იმით, რომ აღვადგინო მაუწყებლობა", - განაცხადა კიწმარიშვილმა.
