ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში კაია კალასმა, კიევში ჩასვლისთანავე მხარდაჭერა გამოუცხადა უკრაინას და განაცხადა, რომ ევროპა ყველაფერს გააკეთებს, რათა რუსეთს დანაშაულებისთვის სრული პასუხისმგებლობა დაეკისროს. ამის შესახებ კალასი Х-ზე წერს.
„ყოველი ვიზიტი უკრაინის გამბედაობისა და გამძლეობის ნათელი შეხსენებაა. ევროპა თქვენს გვერდით დგას. ჩვენ გავაგრძელებთ სამხედრო, ფინანსური, ენერგეტიკული და ჰუმანიტარული მხარდაჭერის გაწევას“, - წერს კალასი.
შეგახსენებთ, დღეს, დილით, ევროკავშირის მთავარი დიპლომატის, კაია კალასის ხელმძღვანელობით ევროპული დელეგაცია კიევში ჩავიდა.
