საქართველოს მთავრობას შეუძლია ჩვენი იმედი ჰქონდეს ყველაფერში. ჩენ ნამდვილად ვაფასებთ თქვენს პატრიოტულ პოლიტიკას, - ამის შესახებ უნგრეთის საგარეო საქმეთა მინისტრმა პეტერ სიიარტომ ბრიუსელში ჟურნალისტებს განუცხადა.
"ჩვენ ვგმობთ ევროკავშირის ამ გადაწყვეტილებას [დიპლომატიური პარპორტებისთვის უვიზო რეჟიმის გაუქმებას], ეს სიგიჟეა, რადგან ამბობენ, რომ თუ პატრიოტული პარტია მოიგებს არჩევნებს, ევროკავშირი თვლის, რომ დემოკრატია საფრთხეშია. ნუ გვიწოდებთ სულელებს, ჩვენ მარტივად ვხედავთ ყველაფერს. თუ პატრიოტები იგებენ არჩევნებს, ევროკავშირი ამბობს, რომ დემოკრატია მოკვდა. თუ ლიბერალები იგებენ, მაშინ მიაჩნია, რომ დემოკრატია უმაღლეს ფორმაშია. ცხადია ჩვენ ვართ ქართველების მხარეს და მოუთმენლად ველით ვუმასპინძლოთ პრემიერ მინსტრს და საგარეო საქმეთა მინისტრს ამ უქმეებზე ბუდაპეშტში კონსერვატორების შეკრებაზე. საქართველოს მთავრობას შეუძლია ჩვენი იმედი ჰქონდეს ყველაფერში. ჩენ ნამდვილად ვაფასებთ თქვენს პატრიოტულ პოლიტიკას. ევროკავშირის სასანქციო პოლიტიკა ზოგადად არის დიდი მარცხი და საბოლოოდ უნდა მივცეთ დავიწყებას", - განაცხადა სიიარტომ.
