უკრაინის პრეზიდენტის ოფისის ხელმძღვანელის, კირილო ბუდანოვის განცხადებით, კიევის ოლქის პეტროპავლივსკა ბორშაჰივკაში 2 ნოემბერს განვითარებული მოვლენები გარეშე გავლენის გარეშე არ მომხდარა.
ბუდანოვის თქმით, დადგინდება ყველა იმ პირისა და ინიციატორის ვინაობა, რომლებიც მომხდარში მონაწილეობდნენ და მათ პასუხისგებაში მისცემენ. მისივე განცხადებით, შესაბამისი დასკვნები გაკეთდება ძალოვან სტრუქტურებშიც.
„ამ დროისთვის უკვე სარწმუნოდ არის ცნობილი, რომ გუშინდელი მოვლენები პეტროპავლივსკაია ბორშაჰივკაში გარეშე გავლენის გარეშე არ მომხდარა. კონკრეტული პირებისა და ამ მოვლენების ინიციატორების ვინაობა აუცილებლად დადგინდება და ისინი დაისჯებიან. დასკვნები გაკეთდება ძალოვან სტრუქტურებშიც“, - განაცხადა ბუდანოვმა.
მისი ინფორმაციით, გენერალურმა პროკურატურამ და შესაბამისმა უწყებებმა მომხდარის ობიექტური გამოძიება უკვე დაიწყეს.
„არავის აქვს თვითნებურად მოქმედების უფლება. თითოეულმა ჩვენგანმა უნდა გვახსოვდეს: უკრაინის არსებობის მთავარი საყრდენი დღეს ჩვენი თავდაცვის ძალებია. პატივი ვცეთ მათ ყოველდღიურ გმირობას და საკუთარ გადაწყვეტილებებში პასუხისმგებლობა გამოვიჩინოთ“, - განაცხადა ბუდანოვმა.
ცნობისთვის, 2 ნოემბერს კიევის ოლქის პოლიციამ განაცხადა, რომ სოფელ პეტროპავლივსკა-ბორშჩაჰივკაში, კერძო სახლთან, სადაც უკრაინის ეროვნული გვარდიის ერთ-ერთი ქვედანაყოფის სამხედრო მოსამსახურეები იმყოფებიან, არეულობა მოხდა. ადგილზე ეროვნული გვარდიის მეთაური ოლექსანდრ პივნენკო და ეროვნული პოლიციის ხელმძღვანელობა მივიდნენ. სამხედრო ომბუდსმენმა ოლჰა რეშეტილოვამ განაცხადა, რომ ყველა გარემოების გასარკვევად გამოძიება დაიწყო. უკრაინის ეროვნული გვარდიის „აზოვის“ ქვედანაყოფის პირველმა კორპუსმა განაცხადა, რომ დისლოკაციის პუნქტში მობილიზებულები და ის სამხედრო მოსამსახურეები იმყოფებოდნენ, რომლებიც დაკავებულები იყვნენ სამხედრო ნაწილის თვითნებურად მიტოვების შემდეგ, სამხედრო ნაწილებში განაწილებისა და სამსახურის გაგრძელების მოლოდინში. შეკრებილმა ადამიანებმა ეროვნული გვარდიის ავტობუსი დააზიანეს.
უკრაინის სახელმწიფო საგამოძიებო ბიურომ მომხდარ მოვლენებთან დაკავშირებით სისხლის სამართლის საქმე აღძრა.
დაპირისპირების შემდეგ უკრაინის პრეზიდენტის ოფისის ხელმძღვანელმა, კირილო ბუდანოვმა განაცხადა, რომ ხელისუფლება „ადეკვატური რეაგირებისა და პროვოკაციების თავიდან აცილებისთვის“ საჭირო გადაწყვეტილებებს ამზადებდა.
ამასთან, უკრაინის უმაღლესი რადას ადამიანის უფლებათა კომისარი დმიტრო ლუბინეცი და სამხედრო ომბუდსმენის ოფისი პეტროპავლოვსკაია ბორშჩაგოვკაში განვითარებული მოვლენების გამოძიებასა და კონფლიქტის ორივე მხარეს კანონდამრღვევთა პასუხისმგებლობის საკითხის შესწავლას მოითხოვენ.
