უკრაინაში ომი ნამდვილად რომ დასრულდეს, რუსეთის არმია და სამხედრო ბიუჯეტი უნდა შემცირდეს, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა საგარო საქმეთა მინისტრების ონლაინ-შეხვედრის შემდეგ გამართულ პრესკონფერენციაზე განაცხადა.
ამასთან, კაია კალასმა განაცხადა, რომ ომის დასასრულებლად გადადგმული პირველი ნაბიჯი უნდა იყოს ცეცხლის დაუყოვნებლივი და უპირობო შეწყვეტა.
„თუ გვსურს, რომ ეს ომი არ გაგრძელდეს, მაშინ რეალურად უნდა შევზღუდოთ რუსეთის სამხედრო ძალები და მისი სამხედრო ბიუჯეტი“, - განაცხადა კალასმა, როდესაც ჰკითხეს, უნდა შეზღუდონ თუ არა რუსეთმა თუ უკრაინამ თავიანთი არმიების რაოდენობა.
მისი თქმით, ამჟამინდელი „სამშვიდობო ინიციატივები“ ძირითადად კიევისგან დათმობებს მოითხოვს და არა მოსკოვისგან და დასძინა, რომ კრემლის მიერ სამხედრო ხარჯების სწრაფი ზრდა საფრთხეს ქმნის ყველასთვის.
„ჩვენ ყოველთვის ვამბობდით, რომ ყველა ქვეყანას აქვს სუვერენული უფლება, გადაწყვიტოს თავისი შეიარაღებული ძალების ზომა და ამიტომ არ უნდა გავებათ იმ ხაფანგში, რომელსაც რუსეთი აგებს უკრაინული არმიის ზომის შეზღუდვაზე საუბრით. ბოლოს და ბოლოს, უკრაინა არასდროს დასხმია თავს რუსეთს“, - განაცხადა ევროკავშირის უმაღლესმა დიპლომატმა.
