საქართველოს პარლამენტი მსოფლიო პარტლამენტებს აფხაზეთისა და ცხინვალის რეგონისათვის ოკუპირებული ტერიტორიის სტატუსის ოფიციალურად მინიჭებას თხოვს. აღნიშნული თხოვნა მსოფლიოს პარალმენტებს წერილობითი ფორმით გაეგზავნებათ. ამის შესახებ განცხადება საგარეო ურთიერთობათა კომიტეტის თავმჯდომარის მოადგილემ გიორგი კანდელაკმა ჟურნალისტებთან საუბრისას გააკეთა.
როგროც მან აღნიშნა, წერილი 50-ზე მეტ პარლამენტში, მათ შორის ევროპის ყველა სახელმწიფოს პარლამენტში, ასევე აშშ-ს, კანადის, ისრაელის, ინდოეთის, იაპონიის, ახალი ზელანდიის, სამხრეთ კორეის, და აფრიკული ქვეყნების საკანონმდებლო ორგანოებს გაეგზავნებათ.
კანდელაკის განცხადებით, ქართყლი მხარე ამ სტატუსის მინიჭებისგან მყისიერ ეფექტს არ ელოდება, თუმცა მისი თქმით ეს უნდა გახდეს იმ ერთიანი ძალისხმევის შემადგენელი ნაწილი, რომელიც შედეგს აუცილებლად გამოიღებს.
"აფხაზეთისა და ცხინვალის რეგიონების ოკუპაცია აღიარებულია ევროსაბჭოს საპარალმენტო ასამბლეის მიერ და რუსეთ-საქართველოს ომის შემდეგ მათ მიერ მიღებულ რეზოლუციებში სწორედ ეს ტერმინი ფიგურირებს. ტერმინი ოკუპაცვია გამოყენებულია ნატოს საპარლამენტო ასამბლეის მიერ მიღებულ დოკუმენტებშიც და ასევე აღიარებულია ჩეხეთისა და ლიტვის პარლამენტების მიერ. ამიტომ აუცილებელია ეს სტატუსი ყველა საერთაშორისო ორგანიზაციის და ყველა ქვეყნის მიერ იყოს ოფიციალურ სტატუსად აღიარებული" - აცხადებს კანდელაკი.
რაც შეხება გაეროს მიერ ამ სტატუსის აღიარებას, კანდელაკი გაეროს უშიშროების საბჭოს ფორმატში ამ სტატუსის მინიჭებას გამორიცხავს, თუმცა მიიჩნევს, რომ ეს შესაძლებელია გაეროს გენერალურ ასამბლეაში მოხვდეს.
