"ომი ჯერ არ დამთავრებულა, არც სამხედრო და არც პოლიტიკური თვალსაზრისით. თუმცა ჩვენ ვიგებთ იმ ფრონტზე სადაც ძლიერები ვართ. მანამ ვიდრე რუსეთში ისაუბრებენ იმაზე, რომ საქართველოში კარგი რეფორმები მიმდინარეობს _ ჩვენ ვიგებთ. იმიტომ რომ რეფორმები და დემოკრატია ეს ერთი და იგივეა. იმიტომაც რომ რუსეთში ასეთი რამ არ არის. და კიდევ ერთი, ჩვენ და თქვენ სხვა და სხვა ფასეულობები გაგვაჩნია", _ აცხადებს მინისტრი და ამასთან დაკავშირებით ერთი კონკრეტული მაგალითი მოჰყავს.

"2008 წლის აგვისტოში გივი თარგამაძემ რუს სამხედროებს 50 ათასი აშშ დოლარი შესთავაზა იმისათვის, რომ მათ გორში სტალინის ძეგლი დაენგრიათ. მაშინ ხომ არაოფიციალური კონტაქტები იყო და ფულით შეიძლებოდა რაღაც გვეყიდა რუსებისგან. რუსებმა კი მთელი გორი დაბომბეს, სტალინის ძეგლს კი ხელი არ ახლეს", _ ჰყვება მინისტრი და დასძენს, რომ გივი თარგამაძის წინადადებით რუსები შეურაცხყოფილნი დარჩენენ.

"თქვენ გინდათ თქვათ, რომ ჩვენ საბჭოური ფასეულობები გვაქვს, თქვენ კი ევროპული?" _ ჰკითხა მინისტრს რუსმა ჟურნალისტმა.

"თქვენ თავად თქვით ეს. მე სხვანაირად ვიტყვი _ მსოფლიოში არის ორი გზა _ წახვიდე დასავლური კულტურისაკენ ან წახვიდე არსაით. ჩვენ პირველი გზით მივდივართ. თქვენ? რა მოხდა კარგი ამ წლების განმავლობაში თქვენთან? თქვენ დაემდურეთ მეზობლებს. თქვენი ეშინიათ. თქვენ ერთმანეთის გეშინიათ. თვენი მილიცია და საზოგადოება საომარ მდგომარეობაში იმყოფება. რა აშენდა თქვენთან ბოლო 10 წლის განმავლობაში. სწორედ ამიტომაც თქვენ ომს საქართველოს ვერასოდეს ვერ მოუგებთ", _ აცხადებს ვანო მერაბიშვილი.