კოლუმბია არ აპირებს აფხაზეთისა და ე.წ. სამხრეთ ოსეთის დამოუკიდებლობის აღიარების საკითხში ჩარევას. განცხადება ამის შესახებ კოლუმბიის საგარეო საქმეთა მინისტრმა ჰაიმე ბერმუდესმა გააკეთა რუსეთის ხალხთა მეგობრობის უნივერსიტეტში სიტყვით გამოსვლისას.
"ადამიანთა ჯგუფებისა და ქვენებთან მიმართებაში, რომლებიც ესწრაფვიან მოიპოვონ დამოუკიდებლობა და სუვერენიტეტი გამოაცხადონ კოლუმბია ძალიან ფრთხილად იქცევა და სხვა სახელმწიფოების საშინაო საქმეებში არ ერევა", _ განაცხადა ბერმუდესმა.
შეგახსენებთ, რომ განცხადება იმის შესახებ, რომ რუსეთის მიერ ოკუპირებული აფხაზეთის ე.წ. დამოუკიდებლობა შესაძლოა უახლოეს მომავალში ბოლივიამ და ეკვადორმა აღიარონ, ლათინური ამერიკის ქვეყნების მონახულების შემდეგ სეპარატისტული აფხაზეთის ე.წ. საგარეო საქმეთა მინისტრმა მაქსიმ ღვინჯიამ გააკეთა.
