პარლამენტის პირველი ვიცე-სპიკერი მიხეილ მაჭავარიანი აცხადებს, რომ განსაკუთრებით მნიშვნელოვანია ის ფაქტი, რომ ნატოს საპარალმენტო ასამბლეამ შექმნა სპეციალური სტრუქტურა საქართველოს პარლამენტთან ურთიერთობისათვის. ამის შესახებ განცხადება მიხიელ მაჭავარიანმა დღეს პარალმენტში ნატოს საპარალმენტო ასამბლეის უსაფრთხოების სამოქალაქო განზომილების კომიტეტის დემოკრატიული მმართველობის ქვეკომიტეტის წევრებთან გამართული შეხვედრის შემდეგ გააკეთა.
"ჩვენ გვაქვს სპეციალური პროგრამა ნატოსთან დაახლოების და საპარალემნტო ასამბლეა ამისთვის მნიშვნელოვან როლს ასრულებს. დეპუტატებს სხვადასხვა ქვეყნებიდან საშუალება აქვთ უკეთ გაეცნონ საქართველოში მიმდინარე დემოკრატიულ რეფორმებს იურიდიულ საფეროში და ყველა იმ საკითხს, რომლითაც ჩვენ უნდა დავუახლოვდეთ ნატოს", - განაცხადა მიხეილ მაჭავარიანმა.
მისი თქმით, დღევანდელ შეხვედრაზე სწორედ აღნიშნულ საკითხებზე იყო მსჯელობა. მაჭავარიანის ქმით, პარალმენტში ნატოს დელეგაციის წევრებს მიაწოდეს მკაფიო ინფორმაცია იმასთან დაკავშირებით, რომ საქართველოში მოღვაწე პოლიტიკოსთა დიდ სპექტრს აქვს მკაფიო ნება და სურვილი საქართველოს ჩრდილოატლანტიკურ თანამეგობრობის წევრად გახდომასთან დაკავშირებით.
"ეს ინფორმაცია არის მნიშვნელოვანი და დელეგაციის წევრები ამაში თავად დარწმუნდნენ. აღნიშნავს ვიცე სპიკერი. გარდა ამისა როგორც მაჭავარიანი აღნიშნავს, შეხვედრაზე ასევე ისაუბრეს ქვეყანაში მიმდინარე საარჩევნო პროცესის მზადებაზე და იმ გარემოებებზე რაც წინ უძღვის ადგილობრივი არჩევნების პროცესს.
"ეს არის გაცნობითი შეხვედრა და სტუმრები ძირითადად ეცნობიან არსებულ ვითარებას. შეგასებებს კი ვიზიტის ბოლოს გააკეთებენ", - აღნიშნავს მაჭავარიანი.
აღსანიშნავია რომ მაჭავარიანთან გამართულ შეხვედრას საპარალმენტო ოპოზიციის წარმომადგენლები პაატა დავითაია და რატი მაისურაძე ესწრებოდნენ. ნატოს საპარალმენტო ასამბლეის წევრების სამუშაო ვიზიტი საქართველოში 9 აპრილამდე გაგრძელდება და შეხვედრებს გამართავენ არMასრულებელი ხელისუფელბის წარმომადგენლებთანაც.
