საქართველო ნატო-ს სამშვიდობო ოპერაციებში მონაწილეობის მისაღებად ავღანეთში კიდევ 750 სამხედროს გაგზავნის.
ამის შესახებ დღეს, საქართველოს თავდაცვის სამინისტროში, უწყების ხელმძღვანელ პირებსა და თბილისში ვიზიტით მყოფ ამერიკელ მაღალჩინოსნებს შორის გამართული შეხვედრისას გაცხადდა.
ქვეყნის თავდაცვის უწყების ინფორმაციით, ავღანეთში 31-ე ბატალიონის
ჯარისკაცები გაემგზავრებიან, რომლებიც სპეციალური მომზადების შემდეგ აშშ-ის საზღვაო ქვეითებთან ერთად იმსახურებენ.
"ეს კიდევ ერთი მაგალითია იმისა, რომ საქართველო აგრძელებს უსაფრთხოების განმტკიცების საქმეში თავისი წვლილის შეტანას", - აცხადებენ თავდაცვის სამინისტროში.
აღსანიშნავია, რომ ბაჩო ახალაიას უწყებაში სტურმობისას თბილისში მყოფი ამერიკის შეერთებული შტატების საზღვაო ძალების სარდალი რიჩარდ ნატონსკი ქართველი სამხედროების მომზადების პროგრამებსაც გაეცნო და ის დადებითად შეაფასა.
