რუსეთის საგარეო საქმეთა სამინისტროს მეოთხე დეპარტამენტის ხელმძღვანელი ანდრეი კელინი აცხადებს, რომ ამჟამად აფხაზეთსა და რუსეთს შორის თანამშრომლობის 34 ხელშეკრულებაა გაფორმებული თუმცა მათი რაოდენობა 50 მეტი იქნება მომავალში. ეს განცხადება კელინმა რუსეთის საგარეო საქმეთა სამინისტროსთან არსებულ მოსკოვის საერთაშორისო ურთიერთობათა ინსტიტუტში გამართულ სამეცნიერო კონფერენციაზე გააკეთა.
მისივე თქმით, რუსეთის საგარეო საქმეთა სამინისტრო კოორდინირებულ მუშაობას აწარმოებს იმისათვის რათა რუსეთის პრეზიდენტის დიმიტრი მედვედევის მიერ აფხაზეთის მიმართულებით გაცემული ყველა ბრძანება შესრულდეს.
"ამაში შედის აფხაზეთისა და სამხრეთ ოსეთის სოციალური დახმარების პროგრამა, თუმცა მთავარი აქცენტი აფხაზეთის უსაფრთხოების დაცვაზე კეთდება. ამის შემდეგ კი მოდის ეკონომიკური ფაზა, უმნიშვნელოვანესი სახელმწიფოს განვითარებისათვის", _ განაცხადა კელინმა.
"აუცილებელია კერძო ინვესტიციების მოზიდვა. იდეა მდგომარეობს იმაში, რომ შინაგანი ძრავა ამუშავდეს _ აფხაზეთის ეკონომიკური განვითარების ფაქტორი", _ განაცხადა კელინმა.
