ვენესუელური ნარკოკარტელის „ტრენ დე არაგუას“ ლიდერი ამერიკელი სამხედროების მიერ ჩატარებული სპეციალური ოპერაციის შედეგად მოკლეს. ამის შესახებ აშშ-ის პრეზიდენტმა დონალდ ტრამპმა განაცხადა.
„ჩემი მითითებით, შეერთებული შტატების სამხრეთ სარდლობამ სწრაფი და სასიკვდილო კინეტიკური დარტყმა განახორციელა, რათა წარმატებით მოეხდინათ ნინიო გერეროს ლიკვიდაცია, „ტრენ დე არაგუას“, დედამიწაზე ერთ-ერთი ყველაზე სისხლისმსმელი ტერორისტული ორგანიზაციის სამარცხვინო ლიდერის“, – განაცხადა აშშ-ის პრეზიდენტმა“, - დაწერა ტრამპმა სოციალურ ქსელ Truth Social-ში.
ტრამპის ინფორმაციით, ნინო გერეროს (სრული სახელი - ექტორ რასტენფორდ გერერო ფლორესი) ლიკვიდაციის ოპერაცია ვენესუელის ხელისუფლებასთან კოორდინაციით ჩატარდა. BBC-ის ცნობით, ვენესუელამ ერთობლივი ოპერაციის ჩატარება დაადასტურა.
ტრამპმა ასევე აღნიშნა, რომ ნარკოკარტელებთან ბრძოლა მისი საარჩევნო კამპანიის ერთ-ერთი მთავარი დაპირება იყო. მეორე საპრეზიდენტო ვადის დაწყების შემდეგ მან „ტრენ დე არაგუა“ აშშ-ის ტერორისტული ორგანიზაციების სიაში შეიყვანა.
