აღნიშნული ფაქტის დამადასტურებელი ინფორმაცია საქართველოს ფეხბურთის ფედერაციის ვებგვერდზე არ იძებნება, თუმცა სპორტისა და ახალგაზრდობის სამინისტრო აღნიშნულ ინფორმაციას მედიაზე დარყრდნობით ავრცელებს.

უცნობია რა გახდა ბორის პაიჭაძის სახელობის ეროვნული სტადიონისთვის სახელის გადარქმევის მიზეზი, ისევე როგორც უცნობია იგეგმება თუ არა მიხეილ მესხის სახელობის სტადიონისთვის სახელის შეცვლა.

"დინამოს" სტადიონი 1932-1935 წლებში დაპროექტდა და აშენდა არჩილ (უფროსი) ქურდიანის მიერ. იგი 23 000 მაყურებელს იტევდა.

1956 წელს არჩილ ქურდიანისავე ავტორობით მოხდა სტადიონის რეკონსტრუქცია და დამატებული იქნა ლითონის კონსტრუქციები, რამაც საშუალება მისცა მაყურებელთა რაოდენობა 36 000-მდე გაზრდილიყო. მოგვიანებით სტადიონი დაანგრიეს და მის ადგლას ახალი სტადიონი აშენდა.

1976 წლის 26 სექტემბერს თბილისის "დინამოს" სტადიონის გახსნა ნამდვილ სახალხო ზეიმად იქცა. აგების მომენტში ეს სტადიონი ტევადობით მესამე იყო საბჭოთა კავშირში.
სტადიონზე პირველი ოფიციალური მატჩი 1976 წლის 29 სექტემბერს ჩატარდა. ეს იყო უეფას თასზე შეხვედრა თბილისის დინამოსა და უელსის კარდიფ-სიტის გუნდებს შორის, რომელიც დინამოს წარმატებით დასრულდა, ანგარიშით 3:0.

ეროვნული სტადიონს ქართველი ლეგენდარული ფეხბურთელის ბორის პაიჭაძის სახელი 1995 წელს მიენიჭა.