"ლარის კურსის ცვლილება ამ ეტაპზე ძირითადად დამოკიდებულია საერთაშორისო ბაზრებზე მიმდინარე პროცესებთან. რადგან საქართველოში წლის ბოლომდე ნაკლებად არის მოსალოდნელი საერთაშორისო შემოდინებების მკვეთრი ზრდა. მე ვფიქრობ წლის ბოლომდე საერთაშიროს ბაზრებზე სიტუაცია დასტაბილურდება და ლარის კურსი დოლართან მიმართებში 1,7-1,75 ლარის დიაპაზონში დაფიქსირდება"- აცხადებს „ჯი-ეიჩ-ენთან" საუბრისას ირაკლი ლექვინაძე.

ირაკლი ლექვინაძის თქმით, ლარის გამყარების ტენდენცია ძირითადად საგარეო ფაქტორებით არის გამოწვეული.

„აშშ საკრედიტო რეიტინგის შემცირებამ გლობალურ ბაზრებზე აშშ პოზიციების შესუსტება განაპირობა, ევროპაში მიმდინარე სავალო კრიზისების გამო კი ევროს პოზიციები შესუსტდა, რაც აისახა ორივე ვალუტასთან მიმართებაში ლარის მინიმალური გამყარებით. 1 ივლისიდან 22 აგვისტოს პერიოდში ლარი ევროსთან მიმართებაში 2,3%-ით, აშშ დოლართან მიმართებაში 1,2%-ით გამყარდა.

საშინაო ფაქტორები გავლენა, რომელიც მოქმედებს ლარის კურსის გამყარებაზე ამ დროისათვის ზალიან მცირეა, დაბალია ქვეყანაში შემოსული პირდაპირი უცხოური ინვესტიციების მოცულობა, 1 მაისიდან დღემდე 10%-ით არის გაზრდილი საქართველოში გადმორიცხული ფულადი გზავნილების მოცულობა. მიმდინარე წლის მეორე კვარტალში ექსპორტის ზრდამ 23% შეადგინა, თუმცა ამის პარალელურად იმპორტიც გაიზარდა 15%-ით. ქვეყნის სავაჭრო ბალანსის დეფიციტის 11%-იანი შემცირების მიუხედავად მისი მაჩვენებელი კვლავ მაღალია და იმპორტი თითქმის 3-ჯერ აღემატება იმპორტს. კურსის გამყარებაზე გავლენას ახდენს ასევე გაზრდილი ტურისტული ნაკადი, რომელიც ზრდის მოთხოვნას ადგილობრივ ვალუტაზე. თუმცა ჯამში სავალუტო კურსზე მოქმედი საშინაო ფაქტორების ცვლილება ერთმანეთს გარკვეულწილად აკომპესირებს და მათი გავლენა კურსის ფორმირებაზე მინიმალურია",- ამბობს ექსპერტი.

ლექვინაძე აცხადებს, რომ ბოლო პერიოდში ქვეყანაში ინფლაციის დონე შესუსტებულია

„საქართველოში სავალუტო კურსის საშუალებით ეროვნული ბანკი ანტიიფლაციურ ღონისძიებებსაც ატარებს, თუმცა ბოლო ორ თვეში სეზონური ფაქტორების შედეგად ინფლაცია შემცირებულია, შედეგად ეროვნული ბანკის ზემოქმედებაც არ ყოფილა კურსის გამყარების მიმართულებით.

საინტერესოა ბოლო ორ თვეში ქართული ლარის კურსის ცვლილება ძირითადი სავაჭრო პარტნიორი ქვეყნების ვალუტებთან - თურქულ ლირასთან მიმართებაში ლარი 10%-იოთ გამყარდა, რაც თურქული ვალუტის დევალვაციით არის განპირობებული, ბოლო 2 თვეში ლირა დოლართან და ევროსთან მიმართებაში 12%-ით გაუფასურდა. ლარი 5,8%-ით გამყარდა რუსულ რუბლთან მიმართებაშიც, რაც ასევე რუსეთში მიმდინარე არასტაბილურ ვითარებას და ნავთობის ფასის დაცემასთან ერთად რუბლის კურსის შემცირებას უკავშირდება. ლარი მინიმალურად გამყარდა აზებაიჯანულ მანათთან 1%-ით და უკრაინულ გრივნასთან მიმართებაში 0,5%. თუმცა 9% -ით არის გაუფასურებული შვეიცარიულ ფრანკთან მიმართებაში, რაც საერთაშორის ბაზრებზე ამ ვალუტის მაღალი ნდობით და პოზიციების გაძლიერებით არის განპირობებული",- აცხადებს ირაკლი ლექვინაძე.