ლატვიის პრეზიდენტი ედგარს რინკევიჩი მიიჩნევს, რომ ნატო მზად უნდა იყოს რუსეთს ძალის გამოყენებით უპასუხოს, რათა მომავალში მისი საჰაერო სივრცის დარღვევები თავიდან აიცილოს. ამის შესახებ მან Bloomberg-თან ინტერვიუში განაცხადა.
რინკევიჩის თქმით, „თუ რუსული თვითმფრინავები გააგრძელებენ ფრენას და ჩვენი საჰაერო სივრცის, ნატო-ს საჰაერო სივრცის დარღვევას, მათი შეჩერების ერთადერთი გზა, ეს არი ძალის დემონსტრირება“.
მან განაცხადა, რომ რუსეთის მიერ წინა პროვოკაციების გათვალისწინებით, ბალტიის ზღვის თავზე საჰაერო სივრცის დაცვის მისია „სრულფასოვან საჰაერო თავდაცვის მისიად იქცევა“.
„მე მჯერა, რომ ჩართულობის წესებიც უნდა გაუმჯობესდეს ისე, რომ თუ რუსეთი გააგრძელებს ქმედებებს, ცეცხლის გახსნა ალტერნატივად იქცეს“, - აღნიშნა ლატვიის პრეზიდენტმა.
რინკევიჩმა განაცხადა, რომ ვლადიმირ პუტინმა „ისტორიებზე უნდა ისწავლოს“.
„იმიტომ, რომ როდესაც ძალიან შორს მიდიხარ, როდესაც ზღვარს გადაკვეთ, რაღაც მომენტში ყველაფერს კარგავ...“
ნატო-ს მოკავშირეებისგან, პრეზიდენტ ტრამპისგან, პრეზიდენტ ერდოღანისგან, ალიანსის სხვა ლიდერებისგან მიღებული შეტყობინებები ძალიან ნათელია,“ - აღნიშნა ტრამპმა.
