"თავისუფალი საქართველოს" ლიდერი კახა კუკავა ლევან გაჩეჩილაძესა და კოკა გუნცაძესთან ერთად ახალი პარტიის შესაძლო შექმნას კატეგორიულად უარყოფს.
"არანაირი ახალი პარტიის შექმნაზე საუბარი არ არის. მე ვარ პარტია "თავისუფალი საქართველოს" ხელმძღვანელი. ჩვენ გვსურს სურვილი ვითანამშრომლოთ ყველა იმ ძალასთან და ჯგუფთან, რომელიც ე.წ. რადიკალური ოპოზიციის ფლანგს განეკუთვნება, მაგრამ რა ფორმას მიიღებს ეს და რა ორგანიზაციული სტრუქტურა ჩამოყალიბდება საბოლოო ჯამში, ამაზე საუბარი დღეს ნაადრევია", - განუცხადა კუკავამ ჟურნალისტებს.
მისივე განმარტებით, გაჩეჩილაძესა და გუნცაძესთან ერთად მისი ერთ პარტიაში გაერთიანების საკითხი და ბლოკის შექმნა დღის წესრიგში არ დგას, თუმცა თანამშრომლობა აქტიურად განიხილება და ის სახეზეცაა.
შეგახსენებთ, რომ ქართულ პრესაში გავრცელებული ინფორმაციით, კახა კუკავა, ლევან გაჩეჩილაძე და კოკა გუნცაძე ახალ პოლიტიკურ პარტიას ქმნიან.
არაოფიციალური ცნობით, აღნიშნული ტრიადის გვერდით, შესაძლოა, ეკა ბესელიაც გამოჩნდეს.
