საქართვველოს მეხუთე პრეზიდენტი სალომე ზურაბიშვილი ბიძინა ივანიშვილის გაერთიანებული საამიროების პრეზიდენტთან შეხვედრას გამოეხმაურა.
სალომე ზურაბიშვილის თქმით, "ქართული ოცნების" წევრები, ვინც შეხვედრას ესწრებოდნენ, "ბიძინას მონებად წარდგნენ ყველას დასანახავად" .
"სახელმწიფო რომ გაუქმდა თვალსაჩინოდ გამოჩნდა. ოფიციალური უცხოელი ვიზიტორის მიღება გადაიქცა სამარცხვინო პაროდიად!
მთავრობა, პარლამენტი, ყველა გაჰქრა, ბიძინას მონებად წარდგნენ ყველას დასანახავად !
ფულზე გაყიდულნი, ღირსება გაყიდულნი …"- წერს სოციალურ ქსელში სალომე ზურაბიშვილი.
გუშინ, „ქართული ოცნების" დამფუძნებელი და საპატიო თავმჯდომარე, ბიძინა ივანიშვილი არაბთა გაერთიანებული საამიროების პრეზიდენტს, შეიხ მოჰამედ ბინ ზაიედ ალ ნაჰაიანს შეხვდა.
