საზოგადოებრივი მაუწყებლის დაფინანსება დაკავშირებული იქნება მშპ-ის ფიქსირებულ ციფრთან და დამოკიდებული აღარ იქნება მთავრობის სურვილზე ბიუჯეტის შედგენის დროს. ამის შესახებ განცხადება დღეს პარლამენტში საგანგებოდ გამართულ ბრიფინგზე პარლამენტის თავმჯდომარემ დავით ბაქრაძემ განაცხადა.
როგორც ბაქრაძემ აღნიშნა, ამის შესახებ ხელისუფლებას პოლიტიკური გადაწყვეტილება უკვე მიღებული აქვს და შესაბამის კომიტეტებს მოუწოდა, მოამზადონ აღნიშნული ინიციატივა, რომელიც ბიუროს უახლოეს სხდომაზე დარეგისტრირდება.
ამ ინიციატივის მიღების შემდეგ, საზოგადოებრივი მაუწყებელი დაფინანსების გარანტირებულ წყაროზე გადავა, რაც ბაქრაძის შეფასებით, `წინგადადგმული ნაბიჯი იქნება საზოგადოებრივი მაუწყებლის დამოუკიდებლობის გამტკიცების გზაზე.~
