გერმანიის კანცლერმა ფრიდრიხ მერცმა განაცხადა, რომ რუსეთ-უკრაინის ომის დასრულების ნიშნებს ვერ ხედავს.
„ამჟამად არ არსებობს არანაირი ნიშანი იმისა, რომ ეს ომი მალე დასრულდება“, - განაცხადა მერცმა.
კანცლერმა განაცხადა, რომ მიმდინარეობს მცდელობები კონფლიქტის ყველა შესაძლო დიპლომატიური საშუალებით დასასრულებლად და იმედი გამოთქვა, რომ ვატიკანი შეძლებს კონფლიქტის მხარეების შეკრებას კონსტრუქციული დისკუსიისთვის.
მერცმა ხაზი გაუსვა გერმანიის „აქტიური, მხარდამჭერი და ძლიერი“ როლის მნიშვნელობას სამშვიდობო ძალისხმევაში.
