აშშ-ის პრეზიდენტი დონალდ ტრამპი ოპტიმისტურად არის განწყობილი და დარწმუნებულია, რომ მას და რესპუბლიკელებს ყველგან ყველაფერი კარად აქვთ.
მისი თქმით, გასულ კვირას წარმოუდგენელი ცვლილებები მოხდა.
"ვფიქრობთ, რომ დიდი სხვაობით ვიმარჯვებთ ტეხასში, დარწმუნებულნი ვართ რომ დამაჯერებლად ავიღებთ ფლორიდას, ვფიქრობთ, რომ დამაჯერებლად ვიმარჯვებთ არიზონაში. ვფიქრობ, რომ ძალიან კარგად გვაქვს საქმე ჩრდილოეთ კაროლინაში, პენსილვანიაში. ვფიქრობ, რომ ყველგან ყველაფერი კარგად გვაქვს", - განაცხადა მან ტელეარხ Fox News-ის ეთერში.
აშშ-ში პრეზიდენტის არჩევნები დღეს იმართება, კენჭისყრაში რესპუბლიკური პარტიის კანდიდატი დონალდ ტრამპი და დემოკრატების კანდიდატი ჯო ბაიდენი მონაწილეობენ.
ფოტო: Reuters
