საფრანგეთის პრეზიდენტმა ემანუელ მაკრონმა პარიზში და საფრანგეთის კიდევ 8 ქალაქში კომენდანტის საათი დააწესა. ეს ქალაქებია: მარსელი, ლიონი, ლილი, ექს-ან-პროვანსი, რუანი, ტულუზა, გრენობლი და მონპელიე.
მაკრონის განცხადებით, კომენდანტის საათის დაწესება კორონავირუსის მეორე ტალღასთან ბრძოლით არის განპირობებული.
კომენდანტის საათის მოქმედება 21:00 საათიდან დაიწყება და 06:00 საათამდე გასტანს.
"კომენდანტის საათი ამოქმედდება შაბათიდან და გაგრძელდება მინიმუმ ოთხი კვირის განმავლობაში", თქვა მაკრონმა სატელევიზიო ინტერვიუში.
მისი თქმით, ასევე გამოცხადდა საგანგებო მდგომარეობა ჯანდაცვის სფეროში.
