რუმინეთში, დევესელუს კომუნის მოსახლეობის უმრავლესობამ მერის არჩევნებში ხმა მისცა იონ ალიმანის კანდიდატურას, რომელიც კენჭისყრამდე ათი დღით ადრე კორონავირუსით გარდაიცვალა.
"დევესელუს კომუნის მერმა იონ ალიმანმა, რომელიც 17 სექტემბერს კორონავირუსით გარდაიცვალა, ადგილობრივ არჩევნებში გაიმარჯვა. იმის გამო, რომ ის საარჩევნო კამპანიის დროს გარდაიცვალა, მისი გვარი საარჩევნო ბიულეტინებიდან არ ამოუღიათ", - იუწყება ტელერახი Digi 24.
ალიმანი დევესელუს მერი ორჯერ გახდა და წელს მანდატისთვის მესამედ იბრძოდა. რუმინეთში ადგილობრივი არჩევნები 27 სექტემბერს გაიმართა. ბიულეტინები არჩევნებამდე ორი კვირით ადრე იყო დაბეჭდილი.
რადგან ალიმანი ბიულეტინების დაბეჭვდის შემდეგ გარდაიცვალა, მისი გვარი სიაში დარჩა. მას ხმა ამომრჩეველთა უმრავლესობამ მისცა. მოქალაქეებმა განაცხადეს, რომ ამ ფორმით პატივისცემა გამოხატეს მერის მიმართ, რომლის მუშაობითაც ყოველთვის კმაყოფილები იყვნენ.
რუმინეთის კანონმდებლობით, დევესელუში მერის განმეორებითი არჩევნები ჩატარდება.
