აზერბაიჯანმა ნაწილობრივი მობილიზაცია გამოაცხადა მთიანი ყარაბაღის კონფლიქტის ზონაში საომარი მოქმედებების განახლების შემდეგ.
შესაბამისი ბრძანება უმაღლესმა მთავარსარდალმა ილჰამ ალიევმა გასცა.
"აზერბაიჯანის პრეზიდენტმა ხელი მოაწერა ბრძანებას აზერბაიჯანში ნაწილობრივი მობილიზაციის გამოცხადების შესახებ", - აღნიშნულია პრეზიდენტის პრესსამსახურის განცხადებაში.
კონფლიქტის ორივე მხარე ცეცხლის გახსნაში ერთმანეთს ადანაშაულებს.
27 სექტემბერს, აზერბაიჯანის თავდაცვის სამინისტრომ განაცხდა, რომ სომეხმა სამხედროებმა ცეცხლი გაუხსნეს დასახლებულ პუნტქებს ყარაბაღის კონფლიქტის ზონაში. სომხეთი კი თავის მხრივ იუწყებოდა, რომ აზერბაიჯანმა ყარაბაღში საჰაერო და სარაკეტო იერიშები მიიტანა. სომხეთსა და აზერბაიჯანში, ასევე მთიან ყარაბაღში გამოცხადებულია საომარი მდგომარეობა.
გავრცელებული ინფორმაციით, ყარაბაღის კონფლიქტის ზონაში, შეხების ხაზზე საომარი მოქმედებები დღეს დილიდან განახლდა.
ფოტო: ТАСС
