რუსეთის კოსმოსური სააგენტოს "როსკოსმოსის" ხელმძღვანელმა დმიტრი როგოზინმა ვენერაზე "წმინდა რუსული" მისია დააანონსა.
"ჩვენ პროგრამაში გვაქვს ვენერას კვლევის აღდგენის თემა - ამერიკულ პროექტ "ვენერა-დ"-სთან ერთად. ჩვენ ასევე განვიხილავთ დამოუკიდებელ მისიას ვენერაზე. მიგვაჩნია, რიომ ვენერა მაინც რუსული პლანეტაა", - განუცხადა როგოზინმა ჟურნალისტებს.
ვენერაზე უახლოესი მისია 2027-2029 წლებშია დაგეგმილი. ეს იქნებოდა აშშ-ის პროექტ "ვენერა-დ"-სთან ერთობლივი პროექტი, თუმცა დღეს ცნობილი გახდა, რომ "როსკოსმოსი" პროექტში აშშ-ის მონაწილეობის წინააღმდეგია.
კარდიფის უნივერსიტეტისა და მასაჩუსეტსის ტექნოლოგიური უნივერსიტეტის მეცნიერებმა ვენერას ატმოსფეროში აღმოაჩინეს ფოსფინი, რომელსაც შესაძლოა ჰქონდეს ბიოლოგიური წარმოშობა. მას გამოიმუშავებენ მიკროორგანიზმები, რომლებიც სუნთქვისას ჟაბნგბადს არ იყენებენ.