ფინანსური სკანდალის ფონზე, ესპანეთის გადამდგარმა მეფემ, ხუან კარლოს პირველმა განაცხადა, რომ აპირებს ქვეყნის დატოვებას.
გავრცელებული ინფორმაციით, გადაწყვეტილების გასაჯაროვებამდე ხუან კარლოსმა თავდაპირველად ქვეყნის დატოვების განზრახვის შესახებ თავის ვაჟს, ესპანეთის მეფე ფილიპე მეექვსეს წერილობით გაანდო.
მოგვიანებით, გადამდგარი მონარქის წერილი ესპანეთის სამეფო ოჯახის ოფიციალურ ვებგვერდზე გამოქვეყნდა.
წერილობით განცხადებაში არაფერი ნათქვამი თუ როდის დატოვებს ესპანეთს ხუან კარლოსი და სად გაემგზავრება იგი.
შეგახსენებთ, ესპანეთის გადამდგარი მეფის წინაღმდეგ უზენაესმა სასამართლომ მიმდინარე წელს გამოძიება წამოიწყო. პარალელურად გამოძიება მიმდინარეობს შვეიცარიაშიც.
გამოძიება ინტერესდება ხომ არ იღებდა რაიმე სახის მონაწილეობას ესპანეთის მეფე საუდის არაბეთსა და ესპანურ კონსორციუმს შორის გაფორმებულ მრავალმილიარდიან შეთანხმებაში, რომლითაც ესპანურ კომპანიას მექასა და მედინას შორის ჩქაროსნული სარკინიგზო მაგისტრალი უნდა აეშენებინა.
როგორც იუწყებიან, არსებობს ვარაუდი, რომ ხუან კარლოსმა 76 მილიონი ევრო მიიღო ამ გარიგებიდან.
ხუან კარლოს პირველი ესპანეთის ტახტიდან 2014 წელს გადადგა.
ფოტო: Reuters