რუსეთის პრეზიდენტი ვლადიმერ პუტინი აცხადებს, რომ სომხეთსა და აზერბაიჯანს შორის სასაზღვრო შეტაკებები რუსეთისთვის უაღრესად მგრძნობიარე საკითხია. ამის შესახებ Reuters-ი რუსულ სააგენტო Ria-ზე დაყრდნობით იტყობინება.
"ჩვენთვის ეს უაღრესად მგრძნობიარე საკითხია, რაც აზერბაიჯანისა და სომხეთის საზღვართან ხდება", - განაცხადა პუტინმა.
შეგახსენებთ, სომხეთსა და აზერბაიჯანს შორის კონფლიქტის ესკალაცია 12 ივლისს დაიწყო, რასაც ორივე მხრიდან რამდენიმე სამხედროს დაღუპვა მოჰყვა. ბოლო დღეებში, ვითარება შედარებით დასტაბილურდა.
