შეერთებული შტატების სახელმწიფო მდივანმა მაიკ პომპეომ ჩინეთს ახალი ტირანი უწოდა.
"თავისუფალმა სამყარომ უნდა გაიმარჯვოს ამ ახალ ტირანიაზე", - განაცხადა პომპეომ ჩინეთზე საუბრისას გუშინ, 23 ივლისს, კალიფორნიაში რიჩარდ ნიქსონის საპრეზიდენტო ბიბლიოთეკაში სიტყვით გამოსვლის დროს.
"თუ თავისუფალი სამყარო არ შეცვლის კომუნისტურ ჩინეთს, მაშინ კომუნისტური ჩინეთი ნამდვილად შეგვიცვლის ჩვენ", - დასძინა სახელმწიფო მდივნმა.
მაიკ პომპეომ დემოკრატიულ ქვეყნებს ჩინეთის წინააღმდეგ ახალი ალიანსის შექმნისკენ მოუწოდა.
აშშ-ის სახელმწიფო მდივანმა ჩინეთი უსამართლო სავაჭრო პრაქტიკაში, ადამიანის უფლებების შელახვასა და ჩინეთის დაზვერვის მიერ ამერიკულ საზოგადოებაში უწესრიგობის შეტანის მცდელობაში დაადანაშაულა.
პომპეოს თქმით, ჩინეთი იმეორებს საბჭოთა კავშირის შეცდომებს.
შეგახსენებთ, დღეს ცნობილი გახდა, რომ ჩინეთმა შეერთებულ შტატებს სიჩუანის პროვინციაში არსებული გენერალური საკონსულოს დახურვა მოსთხოვა.
