ბრიტანეთში გამოქვეყნდა პარლამენტის სადაზვერვო და უსაფრთხოების კომიტეტის მიერ მომზადებული ანგარიში, რომელიც მოიცავს ინფორმაციას რუსეთიდან მომავალი საფრთხეების შესახებ.
ცივილიზებული საზოგადოება 8 თვეზე მეტი ხანია ამ ანგარიშის გამოქვეყნებას მოელის. მოხსენება მის ოფიციალურ გამოქვეყნებამდე მოიპოვა და გაავრცელა პოლიტიკურმა პლატფორმამ Guido Fawkes-მა.
ანგარიშში აღნიშნულია, რომ 2014 წელს შოტლანდიის დამოუკიდებლობის შესახებ რეფერენდუმის შედეგებზე გავლენის მოხდენის მიზნით, კრემლმა შესაბამისი კამპანია დაგეგმა და განახორციელა.
"არსებობს სარწმუნო ღია წყაროები და კომენტარები იმასთან დაკავშირებით, რომ რუსეთმა შოტლანდიის დამოუკიდებლობის რეფერენდუმის შედეგებზე გავლენის მოხდენის მიზნით, კამპანია აწარმოა", - აღნიშნულია მოხსენებაში.
ამავე დროს მოხსენების ავტორები იუწყებიან, რომ "რთულია, თუ შეუძლებელი არა", იმის მტკიცება, რომ რუსეთი ეცადა გავლენა მოეხდინა ბრექსიტის რეფერენდუმზე. თუმცა მოუწოდებენ ხელისუფლებას, რომ გამოიძიოს ჩაერია თუ არა კრემლი, ბრიტანეთის ევროკავშირიდან გამოსვლის პროცესში.
მოხსენებაში ასევე ხაზგასმულია, რომ რუსეთი დასავლეთში დაზვერვის ერთ-ერთ მთავარ სამიზნედ ბრიტანეთს მიიჩნევს.
აღნიშნულ ანგარიშზე მუშაობდა გასულ წელს დასრულდა, მაგრამ დაუნინგ სტრიტმა უარი თქვა 2019 წლის საყოველთაო არჩევნების წინ, მის გამოქვეყნებაზე.
