საფრანგეთი გმობს სომხეთ-აზერბაიჯანის საზღვართან შეიარაღებულ შეტაკებებს და ორივე მხარეს ცეცხლის შეწყვეტისა და დიალოგის განახლებისკენ მოუწოდებს. ამის შესახებ საფრანგეთის საგარეო საქმეთა სამინისტროს განცხადებაშია ნათქვამი.
"საფრანგეთი გმობს შეიარაღებულ შეტაკებებს, რომელიც მოხდა სომხეთსა და აზერბაიჯანს შორის საზღვარზე და რასაც რამდენიმე ადამიანის დაღუპვა მოჰყვა. მოვუწოდებთ ორივე მხარეს დაიცვან ცეცხლის შეწყვეტა და განაახლონ დიალოგი, რათა თავიდან აიცილონ კონფლიქტის შემდგომი ესკალაცია", - ნათქვამია განცხადებაში.
საფრანგეთი, როგორც ეუთოს მინსკის ჯგუფის თანათავმჯდომარე, თავის რუს და ამერიკელ პარტნიორებთან ერთად, კიდევ ერთხეულ უსვამს ხაზს მთიანი ყარაბაღის კონფლიქტის მშვიდობიანად მოგვარების აუცილებლობას.
12 ივლისს დაწყებული შეიარაღებული დაპირისპირება სომხეთ-აზერბაიჯანის საზღვარზე ამ დრომდე გრძელდება.
ბაქოს ინფორმაციით, დაიღუპა 11 აზერბაიჯანელი სამხედრო, მათ შორის გენერალი.
სომხური მხარის განცხადებით, დაღუპულია ორი და დაჭრილია ხუთი სამხედრო. აზერბაიჯანი და სომხეთი ვითარების გამწვავებაში ერთმანეთს ადანაშაულებენ.