პარიზის ღვითისმშობლის ტაძრის, ნოტრ დამის ხის ქონგურს, იგივე შპილს, რომელიც გასულ წელს გაჩენილ ხანძარს შეეწირა, პირვანდელ სახეს დაუბრუნებენ.
აღნიშნული განცხადება საფრანგეთის პრეზიდენტმა, ემანუელ მაკრონმა გააჟღერა, რითაც ბოლო მოუღო გამოთქმულ ვარაუდებს იმის შესახებ, რომ შესაძლოა შპილი თანამედროვე დიზაინით აღედგინათ.
მანამდე მაკრონი ირიბად მიანიშნებდა, რომ იგი თანამედროვე დიზაინის მომხრე იყო.
მაკრონმა ასევე თქვა, რომ სურს ტაძრის რესტავრაცია 2024 წლისთვსი დასრულდეს, როდესაც პარიზი ოლიმპიურ თამაშებს მასპინძლობს.
პარიზის ღვთისმშობლის ტაძარს ცეცხლი გასული წლის 15 აპრილს, გაუჩნდა. 400-მდე მეხანძრე მის ლოკალიზებას ცხრა საათის განმავლობაში ცდილობდა. ხანძრის შედეგად, ტაძრის ხის სახურავი მთლიანად დაიწვა, თუმცა მეხანძრეებმა პარიზის ღვთისმშობლის ტაძრის სტრუქტურის სრული განადგურებისგან გადარჩენა შეძლეს.
ხანძარს გადაურჩა პარიზის ღვთისმშობლის ტაძრის ფერადი სარკმელები. გადარჩენილია მთავარი რელიკვიები – მაცხოვრის ეკლის გვირგვინი და წმინდა ლუის ტუნიკა, საკურთხეველი და საკურთხევლის ჯვარი.
ფრანგული მედიის ინფორმაციით, ტაძრის სრულ რესტავრაციას დაახლოებით 8 მილიარდი ევრო დასჭირდება.