ბელგიის მთავრობის გადაწყვეტილებით, ევროკავშირის საბჭოს მიერ რეკომენდებული 15 ქვეყნისთვის საზღვარი არ გაიხსნება. ინფორმაციას Politico ავრცელებს.
როგორც იუწყებიან, გადაწყვეტილების მიღებისას მთავრობის წევრებმა ორ მნიშვნელოვან გარემოებას გაუსვეს ხაზი.
პირველი - ბელგიელი მინისტრების თქმით, ზოგიერთ ქვეყანაში ეპიდემიოლოგიური ვითარება არც თუ ისე კარგია, რომ საზღვრები გაიხსნას. მეორე - ზოგი ქვეყანა ბელგიის მოქალაქეებს არ უხსნის საზღვარს, ბელგიაც შესაბამისად მოიქცევა.
თუ როდისთვის გეგმავს ბელგია საზღვრების გახსნას ევროკავშირის არაწევრი ქვეყნებისთვის, ჯერჯერობით უცნობია.