დღეს, რუსეთის ცენტრალურმა საარჩევნო კომისიამ პუტინის მიერ ინიცირებული საკონსტიტუციო ცვლილებების შესახებ საყოველთაო რეფერენდუმი ჩატარებულად გამოაცხადა და შედეგები გამოაქვეყნა.
შედეგების მიხედვით, ამომრჩეველთა 78%-მა მხარი დაუჭირა საკონსტიტუციო ცვლილებებს, რას შესაძლებლობას აძლევს პუტინს, გაანულოს საპრეზიდენტო ვადა და კიდევ ორი ვადით იყაროს კენჭი.
საკონსტიტუციო ცვლილებები საპრეზიდენტო ვადის განულების გარდა მოიცავდა, ქორწინების, როგორც ქალისა და მამაკაცის ერთობის დაკანონებას.
ცენტრალური საარჩევნო კომისიის მიერ შედეგების გამოცხადებისთანავე, ვლადიმერ პუტინმა მოსახლეობას მიმართა და ნდობისა და მხარდაჭერისთვის მადლობა გადაუხადა.
რეფერენდუმი თავდაპირველად აპრილში იყო დანიშნული. თუმცა კოვიდ-19-ის პანდემიამ მის ჩატარებას ხელი შეუშალა.