ევროკავშირმა რუსეთის წინააღმდეგ დაწესებული ეკონომიკური სანქციები 6 თვით, 2021 წლის 31 იანვრამდე გაახანგრძლივა. იტყობინება საერთაშორისო სააგენტო Reuters-ი.
გამოცემის ინფორმაციით, ევროკავშირის ლიდერები რუსეთისთვის სანქციების გახანგრძლივებაზე 19 ივნისს გამართულ ევროკავშირის სამიტზე შეთანხმდნენ, მას შემდეგ, რაც იმსჯელეს მინსკის შეთანხმებით გათვალისწინებული პირობების შეუსრულებლობაზე [რუსეთის მხრიდან] და დაასკვნეს, რომ შეთანხმებით გათვალისწინებული პირობები ჯერ კიდევ შეუსრულებელია.
მინსკის შეთანხმებას აღმოსავლეთ უკრაინაში გაჩაღებული, რუსეთის მიერ პროვოცირებული და მხარდაჭერილი, შეიარაღებული კონფლიქტი უნდა დაესრულებინა.
რუსეთის წინააღმდეგ ევროკავშირის სანქციები მას შემდეგ მოქმედებს, რაც მან 2014 წელს უკრაინის კუთვნილი ყირიმის ნახევარკუნძულის ანექსია მოახდინა.