მოსკოვი უკრაინის ახალ მთავრობას ვალის დაფარვასთან დაკავშირებით დროს აძლევს და აცხადებს, რომ გარკვეული პერიოდის განმავლობაში კიევს აღარ მოსთხოვს სრულად დააბრუნოს სამი მილიარდი დოლარის ოდენობის სესხი,
„უკრაინის ახალ მთავრობას დრო მივეცით, რათა მან ვითარება საღი თვალით შეაფასოს, გადასინჯოს თავისი პოზიცია და რუსეთთან დაიწყოს მოლაპარაკება ვალის თაობაზე“, - განაცხადა რუსეთის ფინანსთა მინისტრმა, ანტონ სილუანოვმა. მისივე თქმით, ამ ნაბიჯს წინ უძღოდა უკრაინის მხრიდან გამოთქმული თხოვნა, რუსეთმა გაითვალისწინოს კიევში ამჟამად არსებული პოლიტიკური არასტაბილურობა.
უკრაინის პარლამენტმა პრემიერ-მინისტრის პოსტზე გასულ კვირაში დაამტკიცა ახალი კანდიდატი, ვლადიმირ გროისმანი, რომელიც, პრეზიდენტ პეტრო პოროშენკოსთან ერთად, ამჟამად კაბინეტის ფორმირების პროცესშია.
