რუსეთის საგარეო საქმეთა მინისტრმა სერგეი ლავროვმა განაცხადა, რომ თუ დასავლეთი კომპრომისზე არ წავა, რუსეთი უკრაინაში დასახულ მიზნებს ბრძოლის ველზე მიაღწევს.
„ღვთის გულისათვის. თუ დასავლური დიპლომატია გულისხმობს იმ ქვეყნების შეკავებას, რომლებიც გონივრულ, დაბალანსებულ და კომპრომისულ ინიციატივებს გამოდიან, ასეც იყოს.
მაშინ ჩვენს მიზნებს მივაღწევთ არა მოლაპარაკების მაგიდასთან, რაც ჩვენთვის უფრო სასურველი იქნებოდა და რაც ანკორიჯშიც დადასტურდა, არამედ ბრძოლის ველზე, როგორც რუსეთის პრეზიდენტმა, ვლადიმერ პუტინმა არაერთხელ განაცხადა“, – განაცხადა ლავროვმა“, -აღნიშნა ლავროვმა.
სერგეი ლავროვმა ასევე განაცხადა, რომ ომის დასრულების შესახენ მოლაპარაკებები ამ ეტაპზე არ მიმდინარეობს.
ლავროვმა უპასუხა შეკითხვას, თუ რა ხდება დახურულ კარს მიღმა უკრაინის საკითხზე მიმდინარე მოლაპარაკებების პროცესში.
„ის, რომ მოლაპარაკებების მშვიდ რეჟიმში მიმდინარეობის რაიმე გარეგნული ნიშნები არ არსებობს, არ ნიშნავს, რომ ეს მოლაპარაკებები მიმდინარეობს. მოლაპარაკებები არ მიმდინარეობს“, - განაცხადა რუსეთის საგარეო საქმეთა მინისტრმა.
