უკრაინულ სამხედრო მფრინავს ნადეჟდა სავჩენკოს უკრაინაში დაკავებულ რუსეთის მოქალაქეებზე, რომელთაც 14-14 წლიანი პატიმრობა მიესაჯათ, მაისის ბოლომდე გაცვლიან. საგენტო РБК ავრცელებს. ფედერაციის საბჭოში წყაროზე დაყრდნობით წერს, რომ პატიმრების გაცვლა მას შემდეგ მოხდება, ალექსანდრ ალექსანდროვისა და ევგენი ეროფეევზე გამოტანილი სასამართლო განაჩენი ძალაში შევა. მათთვის უკრაინული სასამართლოს განაჩენის გასაჩივრების ვადა კი 18 მაისს იწურება.
დაკავებულების გაცვლის საკითხები უნდა გადაწყდეს რუსეთისა და უკრაინის მსჯავრდებულთა გადაცემის შესახებ 1983 წლის კონვენციისა და სისხლის სამართლის საპროცესო კოდექსის საფუძველზე. პროცედურის თანახმად, ორივე მხარემ უნდა გაცვალოს დოკუმენტების პაკეტი, რომლებშიც ნათქვამი იქნება, რომ მხარეები აღიარებენ სასამართლოს განაჩენებს.
22 მარტს რუსეთის სასამართლომ უკრაინელ მფრინავს ნადეჟდა სავჩენკოს ორი რუსი ჟურნალისტის მკვლელობაში მონაწილეობისა და საზღვრის უკანონო გადაკვეთის ბრალდბეით 22 წლით თავისუფლების აღკვეთა მიუსაჯა.
